Blogg

Det er rart å høyra når Støre seier at vi skal ha som mål å ikkje registrera ein einaste nye  bil som går på fossilt brennstoff  i 2030.  Det er rart å tenka på at den industrien som vart bygd opp i mot det å henta ut det fossile drivstoffet skal byggast ned og vel helst leggast daud også innan korte tid. For politikerane gjer seg nok ikkje med å bannlysa bensin ,gass og dieselbilane , når dei først er igong vert det nok storopprydding ,les: nedlegging. Den industrien og all industri og tenester rundt ,som dei siste 50åra har endra denne steinrøysa frå å vera eit fattigsleg land med ein skipsflåte som den gong var i fritt fall, til verdast rikaste land med over 7000milliardar på bok, brød på borda, nedbetalte huslån og golf i garasjen .

Men den grøne vinden bles, Grønlandsisen smeltar, uvera står i kø utafor kysten og Bergenslufta er elendig .

Og om vi vil eller ikkje, så maler den grøne kverna vidare. Nå er det fornybare energi som tel. Vi her vestpå har vasskraft, heldigvis, for på å stola på sola kan vi i alle fall ikkje gjera.  Og dei grøne vil ha viftande fingrar , eller vindmøller.  Dei må settast opp langs vestkysten og nordover. Berre ikkje i Oslofjorden.

Og landet vert liksom sett på vent.  Det må omskulerast, drivande flinke folk i oljeindustrien vert det ikkje bruk for, så dei må finna andre gjeremål. Livreima skal stramast inn på oss arbeidsfolk. Der det før var jobbar som vara livet ut , vert det no prosjektjobbing. Dei sikre gode plattformane forsvinn. Økonomisk sikkerhet for å stifta familiar, bygga hus minkar. Men dei på toppane, gutteklubbane, grei eller ikkje, dei held det gåande. Maktmisbruk held stand ,  sugerørgjengen eller  konsulentar, innleigde sakshandsamerar i kommunane , som veit og sno seg får ein ikkje bukt med. Og berre dette siste er svindyrt og unøvendig for eit samfunn .

Og kanskje vert det ei berging i staden for eit einsidig pengeutlegg som mange trur, alle flyktningane som kjem. For her på berget er vi vel snart ikkje i stand til å reprodusera oss med den farten vi skulle. Og vi vert eldre, alle, og det er vel grenser på kor lenge ein skal halda seg i arbeidslivet.

Og om det skulle vera restar etter vår stolthet oljeindustrien som held stand etter 2030, så kan jo den produsera for bananrepublikkar med rimeleg god råd.  Vi kan jo alltid trenga pengar til  noken ekstra sengplassar på ein aldersheim.

Spelemannsprisar har dala ned i Haugesund, Karmøy og Etne. Og elles var det mange som var nominerte også , frå same områda. Det vart dermed  ein bra kveld for oss her vest, for dei som hadde straum, og for dei som ikkje switsa til annan kanal då hedersprismottakar Tommy Tee held ein takketale i beste uforstålege hiphopand. Då hadde denne guten fått nok og starta leitinga etter ein god film. 

Men sia det var ei Etnejente som var med å fekk pris i kategorien Indie, måtte eg for n-te gong sjå etter  kva dette Indie er. For det har hvisstnok existert Indie musikk sia langt nedi 60talet og kanskje lenge før det, så eg har alltid tatt det som ei brist i mi musikkforståing at eg ikkje har fanga opp dette. Men altså no og for alltid så er Indie (det står i lokalavisa Grannar, og det er forklart av prisvinnar Linn Frøkedal  og då er det nok sant): Indie er i grunnen ein rar kategori, musikken er korkje pop eller rock. Det er uavhengig musikk som ikkje er kommersiell, ma plateselskapet som ein brukar skal vera uavhengig (?).

 Så nå trur eg at eg har fatta ka Indie tyder.  Og når eg tenker meg om så har eg spelt Indie sjølv, utan å vera plaga om plateselskapet er uavhengig eller ikkje. Så langt har eg aldri kommen i min Indie karriere.

Ein fundere over mykje her i verda, som om to kommunar vert slått isaman. Vert då administrasjon og ansette på ein måte halvert? At ein kunne brukt den eine innarbeidde komuneadministrasjonen til også og driva den andre og?  Sei at i to kommunar er det 500 tilsette. Med ei samanslåing kan no dei 250 driva båe kommunane? Sikker ikkje , for i desse tala er det lærerar, prest, legar, sjukepleierar, hjelpepleierar, , sosionomar , oa.  Og folk her er vel vanskeleg å rasjonalisera vekk eller erstatta med makiner.  Kva som skal til for å driva ein kommune forsvarleg og gje innbyggarane eit godt tilbod skal eg ikkje ta på meg å ha svaret på.

På den andre sida har eg sjølv jobba i ei verksemd som har vorte slankare og slankare etter kvart som teknologien er vorte utvikla.  For 40 år sia , før eg var ansett, var det eit levande samfunn på Hardeland og Litledalen. Det måtte vera fulle skift på kvar kraftstasjon for å produsera straum. Det krydde av ungar og det var eigen skule der oppe. 

Då eg starta jobben der oppe var skiftfolket kokt ned til å tena ein kraftstasjon. Vi hadde fått ny teknologi til å fjernstyre den andre med eit vaktlag som gjekk skift i Litledalen. Vi overvaka også overføringslinene til Haugesund.  No var husene på Hardeland tomme , men nede i Litledalen var det nye generasjonar som hadde overteke, og her var det godt miljø og kjekkt å bu. For oss som arbeidde der oppe var det einebustadar og billig å bu.

På denne tida var vel også kommunens tenester på det normale.  Det var nok mykje meir tungvindt å drifte ein alders og sjukeheim. Det var dobbeltrom, dårlege toalett og vasketihøve. Det var eige kjøkken og vaskeri. Alle ansette gjorde ”alt” frå å røra i grauten til å skifte skittbleier. Det var rapportering om morningen og på vaktskifta, så det vart ikkje brukt mykje tid på ”papirarbeid”.  Dette veit eg litt om for fruen jobba i miljøet i mange år , pluss at mor mi var bestyrer på Ølen alders/sjukeheim på 70talet. 

For vår del i kraftbransjen , vart vi jaga frå skanse til skanse etter kvart som det kom nye teknologi og det var samanslåing av kraftselskap. Tilslutt fekk vi ein arbeidsveg på 12 mil t/r kver dag når vi skulle ut på jobb på driftsentralen.  Antallet innbyggerar i Litledalen minka dramatisk etter kvart som åra gjekk.

Antall ansette i Etne kommune  har stege dramatisk etter kvart som åra kom og gjekk. Nå fekk vel kommunane fleire ting å drifta, det var vel ma ein store lærarstab. Og det vart starta barnehagar .  Dei utviklingshemma vart tatt betre vare på . Tenestane vart utvida og betre til oss innbyggerane.  Minuset  som stele ein masse tid (etter mi meining) er rapporteringshelvete. Alt skal rapporterast og haldast møte over og dette stele  tid.

For å ein slutt på desse funderingane så kan ein vel sei at kraftbransjen lever greitt om det har vore store omveltningar og utvikling.

Kommunane har vel fått masse meirarbeid overførd frå staten. Om pengeoverføringane frå den same staten  er rettferdig tviler eg på. Og om det vert så ”meget betre” med å slå saman kommunane tviler eg også på.

Eg fundere litt over postgangen her på berget. Bakteppet er at eg bestillte noko musikkutstyr frå Harstad måndag for 9 dagar sia , pakken kom til heimen i går. Det tok altså 9 døger. Jobben vart gjort av Posten.  Yngstemann bestilte datautstyr sist søndag frå Komplett , og pakken var hjå oss på tirsdag. Det tok 1,5 døgn. 

Okay , Harstad ligge jo litt lenger unna enn Sandefjord (er det ikkje der Komplett ligg?) men dette kan ikkje vera all forklaring.

Eg trur det var Nordpost som sto bak frakta av datautstyret. Har dei betre logistikk enn den statlige Posten?  Les at at statlege Posten kjøyrer gods i Noreg med sitt eige slovakiske lastebilselskap.  Går dette ut over kvaliteten, les tid over kor lang tid det tar?  Det er jo flaut å lesa at Posten nyttar utalandske selskap som med hjelp av låglønte sjåførar som driv med kabotasje i kongeriket, i konkurransen med små og mellomstore private verksemder som driver etter norske lover og løner sjåførane sine rettferdig.

Just nu er eg i vedhogstmodus, men øydela favorittsaga mi, ei Stihl 26.  Har venta på delen, bestilt frå Felleskjøpet i 10 dagar no.  Er vel ikkje råtips om eg trur delen vert sent av Posten?

La det vera sagt med eingong, at eg har sansen for kongen, dronninga, kronprinsen og faktisk også vår sørlandske kronprinsesse . Dei er folkelige og vil vårt lille land det beste og legg mykje arbeid i dette. Og i same andedraget er vel ikkje fru Behn så aller verst heller, om ho er litt meir høgtflygande enn dei andre..Om den oppvaksande slekt i kongefamilien, inngifte og dei andre rundt, veit vi vel eigentleg ikkje så mykje om.  Vi veit det som pressa veit vil selge og derfor veit vi heller lite.

 Og no har vi hatt kongedømme sia Hårfagre med harde hand samla oss villstyringar. Og vi har vore trufaste til vår konge eller dronning om han eller ho snakka norsk eller braut på dansk eller svensk. Kvaliteten på våre kongelege har variert frå å vera direkte svake til å vera eit føredøme og vore samlande , som under siste krig. Vi sitt att med bilete av kong Håkon under ei bjørk ved Molde, ein kong Olav på ein trikk med biletten klar, ein kronprins Harald framfor ein scene på ein rockekonsert. Gode bilete å ha oppe i hovudet.  Eg må innrømma at eg opp til no har vore antiroyalist men no veit eg ikkje lenger. Viss dei komande royale er av same støypning som desse øve , så er det vel ingen store fare med å lata dei halda på ein generasjon og to til.