Blogg

Har nesten ikkje fått med meg ei heile nyhendesending i det siste. Med det same APsjefen er innom på skjermen og messer at partiet har gode rutiner når varslerane har gjort jobben sin, då hive eg meg øver fjernstyraren og zappar til ein eller annan filmkanal. Så dermed kunne siste eukalyptus treet i California ha brunne ned, tsjunamibølgene ha rulla over Tailand eller Hekla hatt utbrot utan at eg hadde fått det med meg. Ikkje det at det hadde gjort den store forskjellen ..men likavel

Og på HBO ligg Vikingane ..ikkje den som er produsert på Karmøy med skodespelerar som snakkar vakkert riksmål med trendye dialogar…nei  den andre.  Den andre der dei snakkar engelsk om opptaka er tekne i vakre Vestlandsfjordar, i Irland/Skottland/England eller i Paris.  Og kanskje det var slik at våre forfedre var så bereiste at  dei heller snakka engelsk enn gamalnorsk/islandsk i dei forna dagane?

I alle fall ligg handlingane i Vikingane tett opptil norsk politikk i desse dagar. Her er det snakk om svik, dramatikk og hovudrulling. I Vikingane litt meir blodig..men likevel.

Det er også i Vikingane som i norsk politikk, mannfolk som er litt over gjønosnittet høge, har litt under gjønosnittet med hår og har mykje over gjønosnittet med spisse albogar og som alle trur dei er Gudane sin gåve til kvinnene. I Vikingane var dei naturleg nok ikkje så drevne med å senda SMS då. Men likavel.

Åpnar ein ei avis i desse tider så ser ein at dei fleste redaktørar tordnar og manar til rettferd i «meetoo» debatten. Og det vert skreve side opp og side ned om dette. I HA var dei første sidene i avisa i dag sett av til dette deprimerande. Eg fall ikkje heilt til ro igjen før eg fekk lesa teikneseriane med Pondus i spissen. Då kom julekjensla og smilet på plass att…heilt til eg åpna KK som for sikkerheita skuld hadde hyra inn Vibeke Løkkeberg som kom med tøffe historiar om både tidlegare arbeidsgjeverar og ektemann som hadde oppført seg som svin. ..Her kom eg ikkje nedpå igjen før eg hadde lest ein artikkel om Gert Nygårdshaug og eit lesarbrev i avisa frå ei som heiter Mai. Mai var ikkje i Løkkebergs klasse og hadde nok heller ikkje traumatisk ting å slå i bordet med korkje om arbeidsgjeverar eller ektemenn. Ho tok kort og greitt for seg stoda til Trond Giske og skreiv:  «Eg har aldri stemt på AP og eg kjenner ikkje Trond Giske, men nå har han min fulle sympati. Eg har skjønt at han er ein dyktig politiker og dersom han hadde vært ein drittsekk så hadde eg merket det. Han har ikkje forgrepet seg på noen , så vidt eg forstår. Uppassende oppførsel er hans synd.» sitat slutt.

Eg støtter det Mai skriv fullt ut. Det er på det næraste latterlig å fylla aviser og andre medier med «meetoo»i veka  etter veka. Vi har då andre problem både redaktørar og alle oss andre kan ta opp, kanskje vel så store store for landet  som: At vi har ma eit sjukefråvær som kostar A/S Noreg 37milliarer kvert år.

Rart det der..har jo vore i arbeidslivet i 40 år. Ikkje har opplevd det som «meetoo» beskriv som noke svære greier. Men så har jo eg heller arbeid i filmbransjen som Løkkeberg beskriv som Sodoma og Gomorra . Og når det gjeld fraværet så har eg heldigvis hatt god helse og gått på jobb om eg hosta meir enn tre gonger og/eller  hadde vore på fest dagen før. 

Trivelig med alle julehelsningar som lyser imot ein frå den digitale verda. Det var trivelig før også når ein gjekk i postkassen og fann julekort med God Jul og Godt nyttår frå tante Olga . Ofte var dei korta som datt ned i postkassen mala av munn og fotmalande kunstnerar.. Vi kjøpte store brett med julekort av dei vi også ..og sendte rundt. Kor får alle munn og fotmalande kunstnerane inntekta si frå no`?  Har Siv utvida ein liten utgiftspost i statsbudsjettet til deira fordel? Håper det.

Når ein vaknar tidleg slik ein julekveldsmorning og Amadeusen står på P1 dab og den eine julesangen glattare enn den andre strøymer ut. Automatisk set ein opp si top 5 liste over julesangar. Mi liste er:         

Rotmos:  Vårres Jul.

Prøysen: Julkveldsvisa.

Sande:  Lyser i stille grender..her er det dei første 4 versa som gjeld. Sande godkjentte aldri det 5te.

Prøys: Det snør.

The Band:  Christmas must be to night.

Mange flotte elles også..og blir ein trøtt av de så kan ein jo spele Bye.. Han passer inn samma kor.

Ikkje blir det kvite jul her på vestkysten i år heller, men vi sto no av Birte , ikkje verst berre det. Her oppe på Knausen vart det ikkje større skader enn litt uorden i bosskassane, men det rista godt i kåken når det sto på.

Skulle spelt inn jula og Kroa ut, rett før jul , men det gjekk ikkje slik. Vi får ta det att  med jamme litt i romjula..Ellers er vi friske og raske både Solf. Marco og eg.

Snart lukter det pinnekjøtt i huset, Donald og Mikke er på skjermen og barn og barnebarn kjeme ramlande inn.. Så kan jula starta skikkelig og det er berre å håpa at det går som det skal med oss alle.. Beste ønsker!

Som det virkar no så er det mange som gjerne hadde gått inn for at vi mannfolk skulle ha starta dagen med å innta ein pille (Trond og Davy burde kanskje hatt to) . Ei pille som hadde lagt ein solide dempar på alt som hadde med sexfixsering å gjera. Ei pille som hadde lagt alt, også det som bør eller  er dekka av bukser, i ro. Om ein ikkje klarer å huska å ta denne pilla så ofte så må ein i alle fall ta den viss ein skal delta på eit politisk seminar, årsmøte eller liknande. Her er den heilt nødvendig.  På slike møter og tilstelningar er jo visst testosteron og sexpress nivået visstnok skyhøgt. i gangane på TV2 huset i Bergen likeså. 

Og vi får heila tida høyre at politikerar i toppskiktet, og sportsjournalistar, mannlege sjølsagt, er å rekna som ein gjennomsnitts rockmusikar , i alle fall dei som regjerte på 60 og 70 talet. Dei var visstnok fæle. Dagens  rockmusikerar reine pusekattar mot desse. Slutta å røyka har de, både hasj og tobakk og all den stygge sexen er lagt på hylla. Trener gjere dei også.

Toppolitikerane før i tida ,som  t eks. Clinton og Kennedy, dei levde jo opp til standarden på dens tids rockmusikerar. Smekken var vel nesten like mykje nede som den var oppe.

Ikkje så enkelt å vera mannlege toppolitikere i dag og halda den standarden .

Men vi har jo ein masse kvinnelege politikerar også, og heilt kjønnslause er vel ikkje desse heller.

No er det litt vanskelig kanskje å førestilla seg Erna og Gro som ei Mama Cass og Joni Mitchell..eller kanskje ikkje? Med litt fantasi kunne ein kanskje tenka seg at til eks desse to kunne kalla sine mannlege medarbeidere inn på (under) (senge)teppet?  Nei den tanken er vel for dryge ..eller?

Nei då er det mykje greiere å å «ta» slike som er litt i utkantane, Trøndelag og Bergen, mannlege også, det er jo berre tidsriktig.. Ingen sak det når ein får heile Oslobenken til AP med på det. Dei greier nok opp og får kasta ut rette vedkommede , sjølv om denne same benken vel er skuld i dårleg valresultat og frie fall på meiningsmålingane. 

Trur me skulle ha laga ei gruppa der me kan diskutera kva nytte eller unytte våre folkevalde gjer på Stortinget (og elles også kanskje). Vi kan til dømes ta fram dei siste tidas tsunamibølge som har skulpa der i korridorane. I innlegg og motinnlegg i det uendelege om ei , for kongeriket,  må vera ei ørande lita sak . Ei ørlita sak, men som øveskugge store tunge saker som verkeleg skulle vore oppe på bordet..

Viss det eksistere, i Guinness rekordbok ,ein konkurrerande klasse som heiter : «Mest mogeleg rabalder om/for å  koma seg inn i ein komitee,» så burde Hagen ha vore ein soleklare kandidat til ein pris her.

Det har vel aldri i historia vore meir rabalder og brukt meir trykksverta og megabit  i ei slik sak.

Kan vi ikkje ta å samla inn pengar til ein høveleg bungalow langt, langt  sør, nede på solkysten , til dette menneske  og hans hårfagre fru. Dette måtte vore den ultimate julegåva til oss sjølv her oppe i steinrøysa. Då kunne julefreden verkeleg ha senka seg nedøve oss..

Litt på si av dette kan ein vel også sei at ein ikkje skal kunne arrestera eit menneske for ikkje å kunne dansa…Men som som Karl Magnus Sjøen i Tre Busserulls sa (stemmer ikkje det Sigmund, du som har spelt med han?): «Eg  kan jo ikkje dansa eg som har to venstrebein.»   Her nemner eg ikkje namn, me kan jo kjenna oss treffte noken kver.